Հայ խոհարարները մի շարք մրցանակներ նվաճեցին Expogast խոհարարության աշխարհի առաջնությանը

30 նոյեմբերի, 2022

Դեսպանության 2-րդ քարտուղար Դավիթ Միրզախանյանը ներկա գտնվեց նոյեմբերի 26-ից 30-ը Լյուքսեմբուրգում անցկացված Expogast l V&B Culinary World Cup խոհարարության աշխարհի գավաթի մրցանակաբաշխության արարողությանը, որին մասնակցում էր նաև Հայաստանի խոհարար-հրուշակագործների թիմը՝ բաղկացած 12 հոգուց՝ Taste of Peace Armenia-ի նախագահ Իսկուհի Համբարձումյանի գլխավորությամբ ։

Expogast-ը, որն այս տարի նշում էր հոբելյանական 50-րդ տարեդարձը, մեկ հարկի տակ էր համախմբել միջազգային հեղինակավոր խոհարարների աշխարհի շուրջ 70 երկրից։

Հայ խոհարարները, որոնք հանդես էին գալիս «Հրուշակեղենի արվեստ անվանակարգում», մրցաշարի ընթացքում նվաճեցին 1 ոսկե, 5 արծաթե, 3 բրոնզե մեդալ, արժանացան 3 պատվոգրի։

Expogast-ին 1-ին անգամ հայ խոհարարների թիմի մասնակցությանը մեծապես նպաստել էր միջազգային անվանի խոհարար TASTE OF PEACE JERUSALEM խոհարարների ասոցիացիայի հիմնադիր-նախագահ Սարկիս Յակուբեանը։

Առաջնության շրջանակում Իսկուհի Համբարձումյանի, Սարկիս Յակուբեանի և խոհարարների հասարակության համաշխարհային ասոցիացիայի Worldchefs - World Association of Chefs Societies նախագահ Թոմաս Գուգլերի մասնակցությամբ տեղի ունեցավ համագործակցության հուշագրի ստորագրման արարողություն, որով Հայաստան անունն այսուհետ պաշտոնապես իր տեղը կգտնի խոհարարության աշխարհի քարտեզի վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր